Trolear

Préstamo do inglés troll. En galego existe o termo tradicional trola (‘mentira’) e o derivado troleiro/-a (‘persoa que di trolas’), que gardan relación semántica, pero trolear fai referencia especificamente ao comportamento dixital de provocar ou vacilar. Alternativas galegas segundo rexistro e contexto: vacilar, tomarlle o pelo, comerlle a boroa / a partida, compoñer a alguén, manducarlle a boroa, monearse de alguén.